Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 336 Hüküm no: 355 Orijinal metin no: [51b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahimpaşa mahallesinden Hafize bt. Hasan ile İslâm b. Hasan’ın boşandıkları Muhâla‘a, vekâleten min-tarafi’z-zevc Mahmiye-i İslâmbol’da Silivrikapısı dâhilinde İbrahim Paşa mahallesinde sâkine ve zâtı ta‘rîf-i şer‘î ile mu‘arrefe olan Hafize bt. Hasan nâm hatun meclis-i şer‘-i hatîr-i lâzımü’t-tevkīrde zevc-i dâhili işbu bâ‘isü’l-kitâb İslâm b. Hasan nâm kimesne tarafından husûs-ı âti’l-beyânda vekîl olduğu Ali Beşe b. Hüseyin ve diğer Ali b. Ahmed nâm kimesneler şehâdetleriyle sâbit olan Mustafa Ağa b. Süleyman nâm kimesne mahzarında ikrâr-ı tam ve takrîr-i kelâm edip müvekkil-i mezbûr İslâm zevcim olup lâkin beynimizde hüsn-i mu‘âşeretimiz olmayıp ben hul‘a tâlibe olduğum ecilden zevcim mezbûrun zimmetinde mütekarrer ve ma‘kūdun-aleyh olan on altı guruş mehr-i müeccelim ve nafaka-i iddet-i ma‘lûmem üzerlerine ve meûnet-i süknâm dahi kendi üzerime olmak üzere zevcim müvekkil-i mezbûr İslâm ile muhâla‘a-i sahîha-i şer‘iye ile hul‘ olduğumda vekîl-i mezbûr Mustafa Ağa dahi bi’l-vekâle hul‘-ı mezbûru ba‘de’l-kabûl hukūk-ı zevciyete müte‘allika âmme-i de‘âvî ve kâffe-i mutâlebâtdan ben zevcim müvekkil-i mezbûr İslâm’ın zimmetini ibrâ ve ıskāt eylediğimde vekîl-i mezbûr Mustafa Ağa dahi kezâlik hukūk-ı zevciyete müte‘allika âmme-i de‘âvîden benim zimmetimi ibrâ ve ıskāt edip her birimiz minvâl-i muharrer bi’l-asâle ve bi’l-vekâle âharın ibrâsını kabûl eyledik dedikde gıbbe’t-tasdîki’ş-şer‘î. Fî 16 R sene 1197 Şühûdü’l-hâl: Ali Beşe b. Hüseyin, diğer Ali b. Ahmed, Musli b. Ebîbekir, Mehmed Sadık b. İsmail, Molla Ali b. Halil.