Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 373 Hüküm no: 475 Orijinal metin no: [82b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pano v. Yorgo’nun evini Yani v. Kiro’ya satması Vilâyet-i Rumeli’nde Avlonya sancağında Ergirikasrı kazâsına tâbi‘ Sinagopolo[s] nâm karye sâkinlerinden Pano v. Yorgo nâm zimmî meclis-i şer‘de işbu hâmil-i hâze’l-kitâb Yani v. Kiro nâm zimmî mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūmede vâki‘ bir tarafdan Dado v. Lika bağına ve bir tarafdan yine benim bağıma ve iki tarafdan tarîk-i âma müntehî ve mahdûd bir fevkānî beyti ve altında ahırı ve zât-ı eşcâr-ı müsmire ve gayr-ı müsmireyi hâvî bahçeyi müştemil olan mülk menzilimi kendi mülküm tarafından bir kulaç mikdârı arz-ı hâliyeden gayrısını cümle-i tevâbi‘ ve levâhıkı ile mezbûr Yani’ye beş bin beş yüz nakid akçeye bâtten bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim dedikde gıbbe’t-tasdîk ketb olundu. Hurrire fî gurreti Zilka‘deti’ş-şerîfe li târihi’l-mezbûr. Şuhûdü’l-hâl: Kiro v. Niko, Yorgo v. Meniko, Duka v. Dado, Duka v. Kiro, Yorgo v. Dimo, Hristo v. Yako, Kini v. Komo.