Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 375 Hüküm no: 480 Orijinal metin no: [83a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kika v. Toma’nın kızı Küre’yi Andriye v. Nikola ile evlendirmesi Vilâyet-i Rumeli’nde Avlonya sancağında Ergirikasrı kazâsına tâbi‘ İstonyat nâm karye sâkinelerinden Küre nâm nasrâniye tarafından husûs-ı âti’l-beyâna vekîl olup vekâleti hasm-ı şer‘î-i câhid mahzarında Andriye v. Toma ve Kiro v. Kika nâm zimmîler şehâdetleri ile şer‘an sâbite olan merkūme Küre’nin babası Kika v. Toma nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb yine karye-i merkūme sâkinlerinden Andriye v. Nikola nâm zimmî mahzarında bi’t-tav‘ ikrâr ve i‘tirâf [edip] müvekkilem merkūme Küre’yi dört bin fıddî-i Osmânî râyic fi’l-vakt akçe üzre mezbûr Andriye’ye akd-i nikâh ve tezvîc eyledim dedikde mezbûr Andriye dahi meblağ-ı mezbûr dört bin akçe mehr-i müeccel ile tezevvüc ve kabûl eyledim dedikden sonra mâ hüve’l-vâki‘ alâ vukū‘ihî gıbbe’t-taleb ketb olundu. Hurrire fî 9 min Şevvâli’l-mükerrem li târihi’l-mezbûr. Şuhûdü’l-hâl: Dimo v. Duka, Papa v. Nika, İstoyko v. Nika, Kino v. Duka ve gayruhüm mine’l-hâzırîn.