Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 383 Hüküm no: 493 Orijinal metin no: [84b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hâtun bt. Abdullah’ın evini İbrahim b. Çalabverdi’ye satması Medîne-i Ebâ Eyyûb-i Ensârî mahallâtından Süleyman Çelebi mahallesi sâkinelerinden Sâliha Hâtun bt. Abdullah meclis-i şer‘de işbu hâmilü’l-kitâb İbrahim b. Çalabverdi mahzarında ikrâr edip mahalle-i mezbûrede vâki‘ bir tarafdan Süleyman ve İsa ibney Veli mülküne ve bir tarafdan yine benim mülküme ve bir tarafdan tarîk-i âma müntehî iki tahtânî beyti ve cüneyneyi ve müşâ‘-ı müşterek tarîki müştemil olan mülk menzilimi cümle-i tevâbi‘iyle mezbûr İbrahim’e iki bin akçeye bâtten bey‘ edip kabz-ı semen ve teslîm-i mebî‘ eyledim ba‘de’l-yevm sâlifü’l-beyân menzil-i merkūm İbrahim’in mülk-i müşterâsıdır keyfe mâ yeşâ mutasarrıf olsun dedikde mukırra-i mezbûrenin ikrârını el-mukarru lehü’l-mezbûr İbrahim vicâhen tasdîk edicek mâ hüve’l-vâki‘ gıbbe’t-taleb ketb olundu. Hurrire li târihi’l-mezbûr. Şuhûdü’l-hâl: es-Sâbıkūn.