Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 385 Hüküm no: 496 Orijinal metin no: [85a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Danyal v. Yorgi’nin emlâkini Nuhur Kostrova köylülerine satarak başka köye yerleşmesi Vilâyet-i Rumeli’nde İnebahtı sancağında Çatalca kazâsına tâbi‘ Nuhur Kostrova nâm karye ahâlîsinden Pavlo v. Nikola ve Yani v. Mihal ve Şiro v. Yorgi ve Yani v. Yorgi ve Dimo v. Yani ve Yorgi v. Yani ve Kosta v. İstati ve Ergiri v. Yorgi ve Hristo v. Dimo ve Mihal v. Yani nâm zimmîler ve sâirleri cemm-i gafîr ve cem‘-i kesîr meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Danyal v. Yorgi nâm zimmî mahzarında her biri ikrâr ve takrîr-i kelâm edip mezbûr Danyal karyemizde vâki‘ olan emlâkini bize bey‘ edip kendi âhar karyeye nakl etmeğin mezbûr ile ba‘de’l-yevm harâc ve ispençe ve sâir tekâlîf-i örfiyyeye müte‘allik da‘vâ ve nizâ‘ımız yokdur dediklerinde mukırrûn-ı mezbûrûnun minvâl-i muharrer üzre cârî olan ikrâr ve takrîrlerini el-mukarru lehü’l-mezbûr Danyal bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Hurrire fî evâsıtı Şevvâli’l-mükerrem li târihi’l-mezbûr. Şuhûdü’l-hâl: Yorgi v. Dimo, Apostol v. Dimo, Yorgi v. Mihal, Duka v. Yani, Rizo v. İstemad, Franko v. Todori, Yorgi v. Yani ve gayruhüm mine’l-hâzırîn.