Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 386 Hüküm no: 499 Orijinal metin no: [85b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun bt. Ali Hâce’nin kendisiyle ortak olduğu ev hissesini kocası Ali Beşe b. Veli’ye satması Medîne-i Ebâ Eyyûb-i Ensârî -râdiye anhu Rabbühü’l-Bârî- mahallâtından merhûm Şeyh Ahmed mahallesi sâkinlerinden Ayşe Hâtun bt. Ali Hâce meclis-i şer‘-i hatîr-i lâzımü’t-tevkīrde işbu bâ‘is-i hâze’l-kitâb zevci Ali Beşe b. Veli nâm kimesne mahzarında ikrâr edip mahalle-i mezbûrede vâki‘ bir tarafdan Ahmed b. el-Hâc Mehmed mülküne ve bir tarafdan Rüstem Beşe b. ( ) mülküne ve bir tarafdan merhûm Yakub Ağa vakfı’na ve bir tarafdan tarîk-i âma müntehî ve mahdûd iki fevkānî beyti ve bir tahtânî beyti ve iki sofayı ve ahırı ve bi’r-i mâyı ve zât-ı eşcâr-ı müsmire ve gayr-ı müsmireyi hâvî muhavvatayı müştemil olup zevcim mezbûr Ali Beşe ile ale’l-iştirâki’s-seviy silk-i mülk-i sahîhimizde münselik ve münharıt olan menzilden nısf hisse-i şâyi‘amı cümle-i tevâbi‘ ve levâhıkı ve kâffe-i menâfi‘ ve merâfıkı ile zevcim mezbûr Ali’ye beş bin nakd-i fıddî-i Osmânî râyic fi’l-vakt akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm sâlifü’l-beyân menzilde olan nısf hisse-i şâyi‘am zevcim mezbûr Ali’nin mülk-i müşterâ-yı sarîhidir keyfe mâ yeşâ mutasarrıf olsun dedikde mukırra-i mezbûrenin ikrârını mezbûr Ali tasdîk edicek ketb olundu. Hurrire li târihi’l-mezbûr. Şuhûdü’l-hâl: es-Sâbıkūn.