Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 388 Hüküm no: 501 Orijinal metin no: [85b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Trandafil v. Yorgi’nin evini dârüssaâde ağası Hacı Mustafa Ağa b. Abdürrahim’e sattığı Karye-i mezbûre sâkinlerinden Trandafil v. Yorgi nâm zimmî vekîl-i müşârün-ileyh mahzarında ikrâr edip karye-i merkūmede vâki‘ iki tarafdan müşârün-ileyh el-Hâc Mustafa Ağa mülküne ve bir tarafdan Andriye v. ( ) mülküne ve bir tarafdan tarîk-i âma müntehî üç bâb tahtânî beyti ve bir ahırı müştemil olan menzilimi müvekkil-i müşârün-ileyh hazretlerine yirmi bin akçeye bâtten bey‘ edip kabz-ı semen ve teslîm-i mebî‘ eyledim dedikde gıbbe’t-tasdîk ketb olundu. Hurrire li târihi’l-mezbûr. Şuhûdü’l-hâl: es-Sâbıkūn.