Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 388 Hüküm no: 502 Orijinal metin no: [85b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Apostol v. İstayko’nun ev ve bağını dârüssaâde ağası Hacı Mustafa Ağa b. Abdürrahim’e satması Karye-i merkūme sâkinlerinden Apostol v. İstayko nâm zimmî tarafından vekîl olup vekâleti Trandafil ve Andriye şehâdetleri ile sâbite olan Niko v. Yorgi vekîl-i müşârün-ileyh mahzarında bi’l-vekâle ikrâr edip müvekkil-i mezbûr karye-i merkūmede vâki‘ bir tarafdan Kosta mülküne ve bir tarafdan Panko mülküne ve iki tarafdan tarîk-i âma müntehî üç bâb tahtânî beyti müştemil olan mülk menzilimi ve yine karye-i merkūme kurbunda bir tarafdan Panko v. ( ) mülküne ve bir tarafdan Kosta v. ( ) mülküne ve bir tarafdan Aleksi ve bir tarafdan Dimitri mülklerine müntehî tahmînen yirmi ırgadlık bir kıt‘a mülk bağımı bi safkatin vâhidetin müvekkil-i müşârün-ileyh hazretlerine yirmi beş bin akçeye bey‘ edip kabz-ı semen ve teslîm-i mebî‘ eyledi dedikde gıbbe’t-tasdîk ketb olundu. Li târihi’l-mezbûr. Şuhûdü’l-hâl: es-Sâbıkūn.