Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 389 Hüküm no: 504 Orijinal metin no: [86a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Hıranda’nın evini dârüssaâde ağası Hacı Mustafa Ağa b. Abdürrahim’e sattığı Karye-i merkūmeden Yorgi v. Hıranda nâm zimmî meclis-i şer‘de vekîl-i müşârün-ileyh mahzarında ikrâr edip karye-i merkūmede vâki‘ bir tarafdan Ayşe Hâtun mülküne ve bir tarafdan Dekari nâm nasrâniye mülküne ve bir tarafdan tarîk-i âma ve bir tarafdan mezra‘a-i âti’l-beyâna müntehî beş bâb tahtânî beyti müştemil olan mülk menzilimi müvekkil-i müşârün-ileyh el-Hâc Mustafa Ağa’ya on dokuz bin nakid akçeye bey‘-i bât ile bey‘ edip kabz-ı semen ve teslîm-i mebî‘ eylediğimden sonra yine karye-i mezbûr kurbunda vâki‘ tahmînen bir keyl tohum istî‘âb eder mutasarrıf olduğum bir kıt‘a tarlanın dahi hakk-ı tasarrufunu sâhib-i arz ma‘rifetiyle müvekkil-i müşârün-ileyhe tefvîz edip mukābelesinde olan bin akçeyi ahz eyledim dedikde gıbbe’t-tasdîk ketb olundu. Şuhûdü’l-hâl: es-Sâbıkūn.