Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 390 Hüküm no: 507 Orijinal metin no: [86a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Preşkova’nın ev ve bağını dârüssaâde ağası Hacı Mustafa Ağa b. Abdürrahim’e satması Yine karye-i merkūme sâkinlerinden Yorgi v. Preşkova nâm zimmî tarafından vekîl olup vekâleti Trandafil v. Petro ve Panko v. Seniko nâm zimmîler şehâdetleri ile şer‘an sâbite olan karındaşı Dimitri nâm zimmî meclis-i şer‘de vekîl-i mûmâ-ileyh mahzarında ikrâr edip müvekkil-i mezbûr karye-i merkūmede vâki‘ iki tarafdan Dimitri mülküne ve bir tarafdan Ayşe Hâtun mülküne ve bir tarafdan tarîk-i âma müntehî iki bâb tahtânî beyti müştemil olan mülk menzilini ve yine karye-i merkūme kurbunda vâki‘ bir tarafdan Respiye ve bir tarafdan Rika ve bir tarafdan Dimitri ve bir tarafdan Apostol bağlarına müntehî tahmînen yirmi ırgadlık bir kıt‘a mülk bağını bi safkatin vâhidetin müvekkil-i mûmâ-ileyh ağa hazretlerine yirmi beş bin akçeye bâtten bey‘ eyledi dedikde gıbbe’t-tasdîk ketb olundu. Hurrire li târihi’l-mezbûr. Şuhûdü’l-hâl: es-Sâbıkūn.