Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 391 Hüküm no: 509 Orijinal metin no: [86b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andriye v. Mojaki’nin tarlasının tasarruf hakkını Yani v. Köni’ye devretmesi Vilâyet-i Rumeli’nde Avlonya sancağında Ergirikasrı kazâsına tâbi‘ Fraştine nâm karyeden Andriye [v.] Mojaki nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb Yani v. Köni muvâcehesinde bi’t-tav‘ ikrâr edip karye-i merkūme sınırı dâhilinde vâki‘ bir tarafdan Saro v. Vini tarlasına ve bir tarafdan manastıra ve bir tarafdan dereye ve bir tarafdan tarîk-i âma müntehî diyârımız keyli ile tahmînen bir keyl tohum istî‘âb eder bir kıt‘a tarlanın hakk-ı tasarrufunu sâhib-i arz ma‘rifetiyle merkūm Yani’ye tefvîz edip mukābele-i tefvîzde olan sekiz yüz nakd-i fıddî-i Osmânî râyic fi’l-vakt akçeyi bi’t-tamâm ve’l-kemâl mezbûr Yani yedinden ahz ve kabz eyledim dedikde gıbbe’t-tasdîk ketb olundu. Hurrire fi’l-yevmi’r-râbi‘ ve’l-ışrîn min Şevvâli’l-mükerrem li târihi’l-mezbûr. Şuhûdü’l-hâl: Mustafa b. Mehmed, Yakub b. Kurd, Perviz b. Abdullah, Ali b. Abdullah, Kiroş v. Martini, Yani v. Nika, Andriye v. Todori, İmaki v. Kika ve gayru[hum mine’l-hâzırîn].