Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 404 Hüküm no: 530 Orijinal metin no: [89a-6, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Musa Efendi b. Derviş Mehmed Efendi’nin menzilini Ahmed Bey b. Bayezid’e sattığı Babası mezbûr Musa Efendi kıbelinden âtiyyü’z-zikr bey‘ ikrârına vekâleti Ahmed Bey b. Mahmud el-Cündî ve Mahmud Bey b. Mustafa nâm kimesnelerin şehâdetleri ile nehc-i mu‘teber üzre sâbit olan medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Sofular mahallesinde sâkin olan fahrü erbâbi’t-tahrîr ve’l-kalem zahrü ashâbi’t-takrîr ve’t-terkīm Mehmed Efendi b. Musa Efendi nâm kimesne, müvekkil-i mezbûrunun âtiyyü’z-zikr menzilini hâmil-i hâze’l-kitâb fahrü’l-a‘yân Ahmed Bey b. Bayezid’e bey‘ ettiğini ikrâr ve i‘tirâf etti. Mezbûr Bayezid de müvekkil-i müşârün-ileyhin işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ fevkānî üç beyti, ahırı, tahtânî bir beyti, selâmlığı, bahçeyi, su kuyusunu ve helâyı müştemil olan ve bir tarafdan Sofular mescidi, diğer tarafdan Ferruh Bey b. Abdullah mülkü, öbür tarafdan Emir Efendi vakfı ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt yüz bin akçe-i Osmânî semen-i mu‘ayyen-i makbûzla kendi malı ile ve kendisi için iştirâ etti îcâb, kabûl ve teslîm, tesellümle bey‘-i bâtt-ı sahîh ile akid tamâm oldu. Müşterî-i mezbûr vâki‘ ikrârı vicâhen ve şifâhen tasdîk etti. Cerâ zâlike ve hurrire fî evâsıtı Zilka‘de eş-şerîfe li târihi’l-mezbûr. Şuhûdü’l-hâl: es-Sâbıkūn