Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 405 Hüküm no: 531 Orijinal metin no: [89b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Yani’nin Yamandi v. Manol’den dükkân kirasını aldığı Zimmî tâifesinden Yorgi v. Yani nâm zimmî meclis-i şer‘de müste’ciri olan hâmil-i hâze’l-kitâb Yamandi v. Manol nâm zimmî mahzarında ikrâr edip mezbûr Yamandi’ye mahmiye-i Kostantıniyye hısnı ebvâbından Edirnekapısı dâhilinde vâki‘ bir bâb mülküm olan terzi dükkânını üç sene tamâmına dek altı bin [akçeye] icâreye verip ol dahi istîcâr ve kabûl etmişidi hâlâ üç sene tamâm olmağın meblağ-ı mezbûr altı bin nakd-i mezbûrü’n-na‘t akçeyi bi’t-tamâm ve’l-kemâl mezbûr Yamandi yedinden ahz ve kabz eyledim mezbûr Yamandi zimmetinde bir akçe ve bir habbe bâkī kalmadı dedikde mukırr-ı mezbûrun minvâl-i muharrer üzre cârî olan ikrâr ve takrîrini el-mukarru lehü’l-mezbûr Yamandi tasdîk edicek ketb olundu. Hurrire fi’l-yevmi’s-[sâdis] min Zilka‘deti’ş-şerîfe li târihi’l-mezbûr. Şuhûdü’l-hâl: Yusuf b. Abdullah, Osman b. Himmet, Mustafa b. Abdullah, Ahmed Bey b. Abdullah el-Cündî, Şimo v. Angilos, Yorgi v. Petro, Petro v. Angilos, Yorgi v. Yani.