Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 113 Hüküm no: 88 Orijinal metin no: [13a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer Paşa Vakfı’nın eski mütevellisinin vakfa olan borçlarına kefil olunması Medîne-i Hazret-i Ebî Eyyûb el-Ensârî -radiye anhu Rabbühü’l-Bârî-’de vâki‘ merhûm Cafer Paşa vakfı’na bi’l-fi‘l mütevellî olan Mehmed Beşe b. Hamza mahfil-i kazâda vakf-ı mezbûra bundan akdem mütevellî olan Mehmed Çelebi b. Mahmud muvâcehesinde takrîr-i kelâm ve ta‘bîr-i ani’l-merâm edip mezbûr Mehmed Çelebi’nin zimmetinde vakf-ı merkūm malından olan elli bin dört yüz akçe deynini bi tamâmihî bana edâ ve teslîm edince nefsine bir kefîl taleb ederim dedikde medîne-i merkūme mahallâtından Takyecibaşı mahallesi sükkânından yine merkūm Mehmed Çelebi’nin kayını Mustafa b. Hasan nâm kimesne meblağ-ı mezbûru vakf-ı merkūma bi tamâmihî edâ ve teslîm edince mezbûr Mehmed Çelebi’nin nefsine kefîl olmağın mâ hüve’l-vâki‘ gıbbe’t-taleb ketb olundu. Hurrire fi’l-yevmi’s-sâmin min Cumâdelâhire li sene seb‘a ve erba‘în ve elf. Şuhûdü’l-hâl: Mehmed Efendi b. Murad, Alemüddin Efendi b. Süleyman, Mustafa Çelebi b. Ali, Veli Halîfe b. İsa el-Kâtib, Mehmed Beşe b. Abdullah er-Râcil, Abdullah b. İbrahim el-Müezzin, Mehmed Halîfe el-Müezzin, Cafer b. Abdullah ve gayruhüm.