Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 118 Hüküm no: 95 Orijinal metin no: [14b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. el-Hâc Mustafa’nın muhâlaa yoluyla boşandığı Medîne-i Ebî Eyyûb el-Ensârî mahallâtından Zeyneb Hâtun mahallesinde sâkine olan Emine bt. el-Hâc Mustafa nâm hâtun meclis-i şer‘-i şerîfde hâzıre olup hâmil-i hâze’l-kitâb Mustafa Beşe b. Ebûbekir nâm zevci ile, nikâhında ta‘ahhüd edilen râyicü’l-vakt beş bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre mezbûre Emine hâtun ile muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’r-râbi‘ min Cumâdelâhire sene seb‘a ve erba‘în ve elf. Şuhûdü’l-hâl: İmâm Mustafa Halîfe b. Ali, Mustafa Beşe b. Ahmed, Eyüb b. Mustafa, İbrahim b. Mustafa, Ahmed b. Mehmed, Mehmed b. İbrahim