Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 121 Hüküm no: 101 Orijinal metin no: [15a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Duka v. Fatoki’nin Aşçıbaşı Mescidi Vakfı’na olan borcunu ödediği Medîne-i Ebî Eyyûb el-Ensârî’de vâki‘ merhûm Aşçıbaşı Mescid-i şerîfinin evkāf-ı müteferrikasına bi’l-fi‘l mütevellî olan Abdullah Halîfe b. Maden mahfil-i kazâda mahmiye-i Kostantıniyye hısnı ebvâbından Eyyûb-i Ensârî kapısı dâhilinde vâki‘ Mustafa Paşa mahallesi sükkânından râfi‘-i hâze’l-kitâb Duka v. Fatoki nâm zimmî muvâcehesinde bi tav‘ihî ikrâr ve i‘tirâf edip merkūm Duka zimmetinde ve el-ân mescid-i merkūmun evkāf-ı müteferrikasından merhûm Ömer Efendi vakf eylediği altı bin akçeyi hâlâ tevliyyetim hasebiyle bi tamâmihî alıp kabz eyledim ba‘de’l-yevm zimmetinde bir akçe ve bir habbe kalmadı dedikde mütevellî-i merkūmun ikrâr-ı meşrûhunu el-mukarru lehü’l-merkūm Duka vicâhen tasdîk ve şifâhen tahkīk edicek mâ hüve’l-vâki‘ gıbbe’t-taleb ketb olundu. Hurrire [fî] târihi’l-mezbûr. Şuhûdü’l-hâl: Es-Sâbikūn.