Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 122 Hüküm no: 103 Orijinal metin no: [15a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mümine Hatun’un Mustafa Ağa Vakfı’na olan borcu ödemesi Hadâik-i sultâniyye’den Vidos bahçesi üstâdı olup meşrûtiyyet üzre Mustafa Ağa vakfı mütevellîsi olan üstâd Yusuf b. Abdullah mahfil-i kazâda bâ‘iset-i hâze’l-kitâb Mümine Hâtun bt. Ahmed Çavuş mahzarında ikrâr ve i‘tirâf edip mezbûre Mümine Hâtun’un zevci olup bundan akdem vefât eden merhûm Osman Bey b. Abdullah [15b] hâl-i hayâtında vakf-ı mezbûr malından yirmi iki bin nakd-i râyic fi’l-vakt fıddî akçeye istikrâz ve kabz edip mukābelesinde medîne-i Hazret-i Ebî Eyyûb el-Ensârî kurbunda Topçular nâm karyede vâki‘ birbirine muttasıl üç kıt‘a mülk dükkânlarını bi tarîki’l-istiğlâl rehin vaz‘ etmişidi lâkin mezbûr Osman vefât edip verâseti zevcesi merkūme Mümine Hâtun ile sulbî oğlu Pîr Mehmed Çelebi’ye münhasıra olup merhûm Pîr Mehmed Çelebi dahi vefât etmekle zikr olunan dükkânlar hasren vârisesi olan vâlidesi merkūme Mümine Hâtun’a intikāl etmekle meblağ-ı merkūm yirmi iki bin akçeyi mezbûre Mümine Hâtun yedinden cânib-i vakf için tevliyyetim hasebiyle bi’t-tamâm ve’l-kemâl ahz ve kabz eyleyip fekk-i rehin eyledim mâl-ı vakf-ı mezbûrdan zimmetinde bir akçe ve bir habbe bâkī kalmadı dedikde gıbbe’t-tasdîki’ş-şer‘î vicâhen mâ vaka‘a bi’t-taleb ketb olundu. Fi’l-yevmi’s-sâbi‘ min Cemâziyelevvel li sene seb‘a ve erba‘în ve elf. Şuhûdü’l-hâl: Eş-Şeyh Nasrullah Efendi b. Ömer, es-Seyyid Allâme Efendi el-Hatîb, Mustafa Beşe b. Abdullah, Mustafa Çelebi b. Hasan el-Müezzin, Mustafa b. Mehmed, İlyas Bey b. Yakub, Ferhad Beşe b. Abdullah, Murad Beşe b. Abdullah, Hüseyin b. Abdullah, arpacı Mehmed Çelebi, Rıdvan b. Abdullah.