Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 253 Hüküm no: 300 Orijinal metin no: [48b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Bey b. Abdullah’ın İlya v. Salamon’da çuka bedelinden alacağı olması Medîne-i Hazret-i Ebî Eyyûb el-Ensârî -radiye anhu Rabbühü’l-Bârî-mahallâtından Ali Paşa mahallesinde sâkin Osman Bey b. Abdullah mahfil-i kazâda mahmiye-i İstanbul’da Hocapaşa mahallesinde Alanoğlu nâm Yahudi menzili kurbunda sâkin Sinyora cemâ‘atinden olup iğneci tâifesinden olan İlya v. Salamon nâm Yahudi muvâcehesinde takrîr-i da‘vâ edip târih-i kitâbdan üç sene mukaddem mezbûr İlya’ya bey‘ eylediğim çuka bahâsından zimmetinde her biri yüz yirmişer hesâbı üzre mecmû‘u dört yüz akçe olmak üzre yüz yetmiş kıt‘a riyâlî guruş hakkım olup mukaddemâ beş bin dört yüz akçesin mezbûr İlya yedinden alıp kabz eyledim idi hâlâ bâkī kalan on beş bin akçeyi dahi taleb ederim suâl olunup alıverilmesi matlûbumdur dedikde gıbbe’s-suâl mezbûr İlya cevâbında, minvâl-i muharrer üzre çuka bahâsından mezbûr Osman Bey’e zimmetinde edâsı lâzım on beş bin akçe deyni olduğunu bi’t-tav‘ ve’r-rızâ ikrâr ve i‘tirâf etmeğin edâsına tenbîh birle mâ vaka‘a gıbbe’t-taleb ketb olundu. Hurrire fi’l-yevmi’l-âşir min Ramazâni’l-mübârek li sene seb‘a ve erba‘în ve elf. Şuhûdü’l-hâl: Mehmed b. Veli, İbrahim b. Mustafa, Mustafa Beşe b. Mahmud Çukadâr, Ali b. Mustafa, Mustafa b. Ahmed, Mahmud b. Ahmed, Mumcu Andriye.