Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 259 Hüküm no: 309 Orijinal metin no: [50a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vasil v. Kosta’nın istiğlâl yoluyla evini Behram Bey Vakfı’na sattığı Mahmiye-i Kostantıniyye sur kapılarından Fener kapısı dâhilinde vâki‘ Abdi Subaşı mahallesinde sâkin olan Vasil v. Kosta nâm zimmî, meclis-i şer‘-i şerîfde hâzır olup âtiyyü’z-zikr menzilini, merhûm Behram Bey vakfı’na mütevellî olan hâmil-i hâze’l-kitâb Hüseyin Halîfe b. Şaban’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla, zimmî-i merkūmun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i merkūmede kâin bulunan bir tarafdan Halina bt. Yani mülkü, diğer tarafdan Andriye mülkü, öteki tarafdan Mesih Paşa vakfı ve diğer tarafdan da tarîk-i âm ile mahdûd cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt, altı bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine mütevellî-i merkūm, ba‘de’t-tahliyye ve’t-tekābuz zeylde mezkûr ayın gurresinden üç sene tamâmına iki bin iki yüz elli akçe ücret ile menzil-i mezbûru kirâya verdi. Mütevellî-i mezbûr, vâki‘ ikrârı vicâhen ve şifâhen tasdîk etti. Sonra mahalle-i mezbûrede sâkin bulunan İstati v. Yorgi nâm zimmî, menzil-i mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fî gurreti şehri Ramazâni’l-mübârek sene seb‘a ve erba‘în ve elf. Şuhûdü’l-hâl: İmâm İbrahim Efendi, müezzin Şaban Halîfe, Abdülkerim Beşe b. Keresteci, Hasan Beşe b. Nalband, İbrahim Beşe b. Mustafa, İmâm Hüseyin Efendi, Mehmed Çelebi ve gayruhüm