Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 263 Hüküm no: 315 Orijinal metin no: [51a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Panayot v. Manol’ün bostanını Anastaş v. Yani’ye sattığı Vilâyet-i Rumeli’nde cezîre-i Mora’da Kartine kazâsına tâbi‘ İstemilce nâm karye sâkinlerinden Panayot v. Manol nâm zimmî meclis-i şer‘-i hatîr-i lâzımü’t-tevkīrde yine karye-i mezbûre sâkinlerinden işbu hâmilü’s-sifr Anastaş v. Yani nâm zimmî muvâcehesinde bi’t-tav‘i’s-sâf ikrâr ve i‘tirâf edip karye-i mezbûrede bir tarafdan Dimitri v. Diro mülkü ve bir tarafdan Papa İlya mülkü ve bir tarafdan Panayot mülkü ve bir tarafdan yine kendi mülküm ile mahdûd ve mümtâz on iki dip dut ve altı dip asma eşcârını müştemil bir kıt‘a mülk bostan yerimi mezbûr Anastaş’a fıddî nakd-i râyic fi’l-vakt üç bin beş yüz akçeye tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ edip ol dahi vech-i meşrûh üzre iştirâ ve kabûl eyledikden sonra semen-i mezbûr üç bin beş yüz akçeyi bi’t-tamâm ve’l-kemâl mezbûr Anastaş yedinden ahz ve kabz edip mebî‘-i mezbûru mahallinde zabt ve tasarrufa mezbûr Anastaş’ı taslît eyledim ba‘de’l-yevm sâlifü’z-zikr bostan yeri ve eşcâr-ı mezkûre mezbûr Anastaş’ın mülk-i müşterâsı olmuşdur dedikde gıbbe’t-tasdîki’ş-şer‘î mâ vaka‘a ketb olundu. Târihu’l-mezbûr. Şuhûdü’l-hâl: Es-Sâbikūn.