Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 271 Hüküm no: 327 Orijinal metin no: [53a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. İskender’in muhâlaa yoluyla boşandığı Medîne-i Hazret-i Ebî Eyyûb el-Ensârî mahallâtından Zeyneb Hâtun mahallesinde sâkine olan Fâtıma bt. İskender nâm hâtun hâmil-i hâze’l-kitâb Süleyman b. Bayezid nâm zevci ile nikâhında ta‘ahhüd edilen râyicü’l-vakt altı yüz akçe mehr-i müecceli, iddet nafakası ve me’ûnet-i süknâsı kendi üzerine olmak üzre ve zevc-i mezbûr tarafından kabz edilen üç bin akçe mukābili muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike [ve hurrire] fî[’l-yevmi]’s-sâdis ve’l-ışrîn min şehri Ramazâni’l-mübârek sene seb‘a ve erba‘în ve elf. Şuhûdü’l-hâl: Yakub b. Kurd, Mahmud b. Ahmed, Mustafa Çelebi b. Veli, Mustafa b. Mehmed, Ali b. Abdullah, Ali b. Mustafa, Mustafa b. Ahmed, Cafer b. ( )