Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 277 Hüküm no: 337 Orijinal metin no: [54b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Marziye bt. ( )’nin muhâlaa yoluyla boşandığı Kazâ-i Havâss-ı Aliyye tevâbi‘inden Pîrî Paşa mahallesinde sâkine olan Marziye bt. ( ) [Mustafa] nâm hâtun meclis-i şer‘-i şerîfde hâzıre olup hâmil-i hâze’l-kitâb Musa b. Hamza nâm zevci ile nikâhında ta‘ahhüd edilen râyicü’l-vakt dört bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sâbi‘ min Şevvâli’l-mükerrem sene seb‘a ve erba‘în ve elf. Şuhûdü’l-hâl: Müezzin Mehmed, Mehmed Beşe, Hüseyin Bey b. Ali, Mustafa b. Veli