Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 283 Hüküm no: 346 Orijinal metin no: [55b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. el-Hâc Sâlih’in muhâlaa yoluyla boşandığı Ebî Eyyûb el-Ensârî mahallâtından Nişancı Paşa mahallesinde sâkine olan Âişe bt. el-Hâc Sâlih nâm hâtun hâmil-i hâze’l-kitâb Şaban b. Abdullah nâm zevci ile nikâhında ta‘ahhüd edilen râyicü’l-vakt üç bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’t-tâsi‘ min Şevvâli’l-mükerrem târihi’l-mezbûr. Şuhûdü’l-hâl: İmâm Abdurrahman Efendi b. Şeyh Musa, müezzin Ramazan b. Hüseyin, Mustafa b. Şükrullah, Yusuf b. Abdullah, İbrahim b. Abdullah, Ali b. Mustafa, Cafer b. Abdullah