Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 285 Hüküm no: 350 Orijinal metin no: [56b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha Hatun bt. el-Hâc Mahmud Bey’in muhâlaa yoluyla boşandığı Medîne-i mahmiye-i Kostantıniyye mahallâtından Sinan Ağa mahallesinde sâkine olan Sâliha Hâtun bt. el-Hâc Mahmud Bey nâm hâtun hâmil-i hâze’l-kitâb fahrü’l-kuzât Abdullah Efendi b. Veli nâm zevci ile nikâhında ta‘ahhüd edilen râyicü’l-vakt on bin akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’l-hâdî min Şevvâli’l-mükerrem sene seb‘a ve erba‘în ve elf. Şuhûdü’l-hâl: Receb Efendi b. Abdi, Mustafa Efendi b. Mehmed, Seyyid Ali Çelebi b. Şeyh Mehmed, Siyâmi Efendi b. Tahir, Yakub b. Kurd, Ali b. Mustafa, Ali b. Abdullah, Mustafa Çelebi b. Veli, Cafer b. Abdullah, Abdülkādir el-Eyyûbî