Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 288 Hüküm no: 354 Orijinal metin no: [57a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. İbrahim’in babasından intikal eden miras hissesini aldığı Medîne-i Hazret-i Ebî Eyyûb el-Ensârî mahallâtından Çavuş Kasım mahallesinde sâkin iken bundan akdem müteveffâ olan İbrahim nâm kimesnenin verâseti terekesine vâzı‘atü’l-yed olan zevce-i metrûkesi Belkıs bt. Abdullah nâm hâtuna ve sulbiye kebîre kızları Sâime ve Âişe’ye münhasıra olup terekesinin on altı sehimden yedişer sehmi mezbûretân Sâime ve Âişe’ye ve iki sehmi mezbûre Belkıs’a isâbet eylediği şer‘an mütebeyyin oldukdan sonra mezbûre Âişe mahfil-i kazâda üveyi vâlidesi olan işbu hâmiletü’l-kitâb mezbûre Belkıs mahzarında bi tav‘ihâ ikrâr ve takrîr-i kelâm edip babam müteveffâ-yı mezbûr İbrahim’in terekesinden bi hasebi’l-irsi’ş-şer‘î bana intikāl eden yedi sehim hisse-i şer‘iyyemi mezbûre Belkıs yedinden bi’t-tamâm ve’l-kemâl ahz ve kabz eyledim min ba‘d babam müteveffâ-yı mezbûr İbrahim’in mîrâsına müte‘allik mezbûre Belkıs ile da‘vâ ve nizâ‘ım kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Tahrîren fi’l-yevmi’l-hâdî aşer min Şevvâli’l-mükerrem târihuhu’l-mezbûr. Şuhûdü’l-hâl: Yakub b. Kurd, Mustafa b. Veli, Ali b. Mustafa, Mahmud b. Ahmed, Cafer b. Abd[ullah] ve gayruhüm.