Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 291 Hüküm no: 360 Orijinal metin no: [57b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Ahmed’in muhâlaa yoluyla boşandığı Medîne-i Ebî Eyyûb el-Ensârî mahallâtından Dökmecibaşı mahallesinde sâkine olan Sâliha bt. Ahmed nâm hâtun hâmil-i hâze’l-kitâb Ali b. Mustafa nâm zevci ile nikâhında ta‘ahhüd edilen râyicü’l-vakt beş yüz akçe mehr-i müecceli, iddet nafakası ve me’ûnet-i süknâsı kendi üzerine olmak üzre muhâla‘a yapdı. Zevc-i mezbûr da vech-i meşrûh üzre onunla muhâla‘a yapdı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mütâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’l-âşir min Şevvâli’l-mükerrem sene seb‘a ve erba‘în ve elf. Şuhûdü’l-hâl: İmâm Nasuh Halîfe b. Mehmed, müezzin Halil Halîfe b. Mehmed, Ahmed Bey b. Subaşı, Mahmud b. Ahmed, Muhzır Ali Beşe b. Ahmed, Muhzır Mahmud b. Ahmed, Mustafa b. Veli ve gayruhüm.