Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 309 Hüküm no: 385 Orijinal metin no: [62a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasna bt. Abdullah’ın bazı ev eşyasını azatlı câriyesi Mülâyime bt. Abdullah’a bağışladığı Medîne-i Hazret-i Ebî Eyyûb el-Ensârî mahallâtından Çavuş Kasım mahallesi sâkinelerinden Hasnâ bt. Abdullah nâm hâtun tarafından hibe-i âti’l-beyânı ikrâr[a] vekîl olup vekâleti mezbûre Hasnâ’yı ma‘rifet-i şer‘iyye ile ârifeyn olan Mehmed b. Ahmed el-Müezzin ve Mehmed b. Ali şehâdetleri ile şer‘an sâbite olan mezbûre Hasnâ’nın sadriye kızı Belkıs bt. Mehmed nâm hâtun mahfil-i kazâda mezbûre Hasnâ’nın mu‘takası olan işbu hâmiletü’l-kitâb Mülâyim bt. Abdullah nâm hâtun mahzarında bi’l-vekâle ikrâr ve takrîr-i kelâm edip vâlidem ve müvekkilem mezbûre Hasnâ silk-i mülkünde münselik olan emlâkinden bir alaca kilim ve bir hoşâb tası ve bir tepsi ve iki köhne sepet sandığını mu‘takası mezbûre Mülâyim’e hibe-i sahîha-i şer‘iyye ile hibe ve temlîk ve teslîm edip ol dahi meclis-i hibede ittihâb ve kabûl ve tesellüm eyledi ba‘de’l-yevm zikr olunan eşyâ-i mezbûre Mülâyim’in mülk-i mevhûbu olmuşdur. Keyfe mâ teşâ’ ve tahtâr mutasarrıfe olsun dedikde vekîl-i mezbûre Belkıs minvâl-i meşrûh üzre bi’l-vekâle sâdır olan ikrârını el-mukarru lehâ’l-mezbûre Mülâyim vicâhen tasdîk ve şifâhen tahkīk etmeğin mâ vaka‘a ketb olundu. Târihuhü’l-mezbûr. Şuhûdü’l-hâl: Es-Sâbikūn.