Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 312 Hüküm no: 388 Orijinal metin no: [62b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdülkâdir Efendi b. merhûm İnayetullah Efendi’nin evini karısı Hatice Hatun’a istiğlâl yoluyla sattığı Medîne-i Hazret-i Ebî Eyyûb el-Ensârî mahallâtından Aşçıbaşı mahallesinde sâkin olan Abdülkādir Efendi b. merhûm İnâyetullah Efendi nâm kimesne meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup âtiyyü’z-zikr menzilini ana baba bir kız karındaşı hâmile-i hâze’l-kitâb Hatice Hâtun’a bey‘ ettiğini ikrâr ve i‘tirâf etti. Mezbûre Hâtun da, kendi malıyla ve kendisi için, bâyi‘-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘ olan, bir tarafdan mukırr-ı mezbûr mülkü, diğer tarafdan kısmen Fâtıma Hâtun mülkü ve kısmen de tarîk-i âm ve diğer tarafdan da menzil-i mevkūf ve İshak Halîfe mülkü ile mahdûd bulunan mülk menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on bin akçe semen-i mu‘ayyen-i makbûzla iştirâ etti. Bâyi‘-i mezbûrun menzili kirâlamak istemesi üzerine müşteriyye-i merkūme, ba‘de’t-tahliyye ve’t-tekābuz zeylde mezkûr târihden üç sene tamâmına dört bin beş yüz akçe ücret ile menzil-i mezbûru kirâya verdi. Müşteriyye-i mezbûre vâki‘ ikrârı vicâhen ve şifâhen tasdîk etti. Cerâ zâlike ve hurrire fi’l-yevmi’l-ışrîn min şehri Şevvâli’l-mükerrem sene seb‘a ve erba‘în ve elf. Şuhûdü’l-hâl: İmâm Abdullah Halîfe b. Maden, müezzin İsmail Halîfe b. ( ), Abdülkādir Çelebi b. Mehmed Efendi, Mustafa Çelebi b. İsa, Siyâmi Efendi b. Tahir, Receb Efendi b. Abdullah