Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 314 Hüküm no: 392 Orijinal metin no: [63b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdurrahman b. Ali’nin evini istiğlâl yoluyla İlyas Çelebi b. Yakub’a sattığı Hazret-i Ebî Eyyûb el-Ensârî mahallâtından Nişancı Paşa mahallesinde sâkin olan Abdurrahman b. Ali nâm kimesne meclis-i şer‘-i şerîfde hâzır olup, âtiyyü’z-zikr menzilini hâmil-i hâze’l-kitâb İlyas Çelebi b. Yakub’a bey‘ ettiğini ikrâr ve i‘tirâf etti. Müşterî-i mezbûr da kendi malıyla ve kendisi için, bâyi‘-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘, iki tarafdan Mehmed Çavuş mülkü, iki tarafdan da tarîk-i âm ile mahdûd bulunan cemî‘-i menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on bin akçe semen-i mu‘ayyen-i makbûz ile iştirâ etti. Bâyi‘-i mezbûrun menzili kirâlamak istemesi üzerine müşterî-i merkūm, ba‘de’t-tahliyye ve’t-tekābuz zeylde mezkûr ayın gurresinden bir sene tamâmına yedi yüz elli akçe ücret ile menzil-i mezbûru kirâya verdi. Müşterî-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fi’l-yevmi’l-ışrîn min Şevvâli’l-mükerrem sene seb‘a ve erba‘în ve elf. Şuhûdü’l-hâl: Mustafa Çelebi b. Veli, Mehmed Çelebi b. Ahmed, İbrahim b. Musa, Mustafa b. el-Hâc Hasan, Davud Halîfe el-Hâc, Mustafa el-Buhûrî, Derviş Mustafa ve gayruhüm