Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 318 Hüküm no: 399 Orijinal metin no: [64b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Manol’ün evini istiğlâl yoluyla Mahmud Efendi Vakfı’na sattığı Mahmiye-i Kostantıniyye dâhil-i bâb-ı Ebî Eyyûb el-Ensârî mahallâtından Mustafa Paşa-yı Atîk mahallesinde sâkin olan Yorgi v. Manol nâm zimmî, meclis-i şer‘-i şerîfde hâzır olup âtiyyü’z-zikr menzilini, merhûm Mahmud Efendi vakfı’na mütevellî olan Mehmed Efendi b. Pîrî tarafından vekîl edilen Mehmed Çelebi b. Ramazan’a bey‘ ettiğini ikrâr ve i‘tirâf etti. Vekîl-i mezbûr da vakf-ı merkūm malıyla ve istiğlâl maksadıyla, zimmî-i mezbûrun işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu mahalle-i mezbûrede vâki‘ olan, bir tarafdan Foti v. ( ) mülkü, diğer tarafdan Kosta mülkü ve iki tarafdan da tarîk-i âm ile mahdûd bulunan bostanını cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt iki bin akçe semen-i mu‘ayyen makbûz ile iştirâ etti. Bâyi‘-i mezbûrun kirâlamak istemesi üzerine vekîl-i merkūm, ba‘de’t-tahliyye ve’t-tekābuz zeylde mezkûr târihden üç sene tamâmına dokuz yüz akçe ücret ile bostanı kirâya verdi. Vekîl-i merkūm, vâki‘ ikrârı vicâhen ve şifâhen tasdîk etti. Sonra mukırr-ı mezbûrun zevcesi olan Kosta bt. Yani nâm Nasrâniye, bostan-ı mezbûrun derkine ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fî gurreti şehri Şevvâli’l-mükerrem sene seb‘a ve erba‘în ve elf. Şuhûdü’l-hâl: Es-Sâbikūn