Eyüb Mahkemesi (Havass-ı Refia) 37 Numaralı Sicil (H. 1047 / M. 1637 - 1638) cilt: 25, sayfa: 411 Hüküm no: 536 Orijinal metin no: [85b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Demir b. Poyraz’ın Korkud b. Abdülkerim’i değnekle dövdüğü Kıbtiyân tâifesinden Korkud b. Abdülkerim nâm kimesne zeyl-i kitâbda mastûrü’l-esâmî olan müslimîn i‘âneti ile râkiben mahfil-i kazâya gelip takrîr-i kelâm ve bast-ı merâm edip târih-i kitâbdan on üç gün mukaddem Vize kazâsına tâbi‘ Çokanlı nâm karye kurbunda kendi hâlimde mürûr ederken tâife-i mezbûreden olup gāib ani’l-meclis Demir b. Poyraz nâm kimesne gelip başının sağ tarafında topaka ta‘bîr olunur büyük değnek ile bi gayrı vechin urup firâr etmekle bana küllî za‘f müstevlî olup ilâ yevminâ hâzâ bu za‘fdan mizâcım tenezzüldedir, bu darbdan vefât ihtimâli olmağın ba‘de’l-müşâhefe takrîr ve tahrîr olunsun, ba‘dehû veresem mezbûr Demir’den gayr kimesneden diyetim da‘vâ eylemesinler dedikde nazar olunup fi’l-vâki‘ başının sağ tarafından yarası müşâhede olunmağla takrîrleri hıfzan li’l-makāl mâ hüve’l-vâki‘ gıbbe’t-taleb ketb olundu. Tahrîren fi’l-yevmi’s-sânî min Zilhicceti’ş-şerîfe li sene seb‘a ve erba‘în ve elf. Şuhûdü’l-hâl: Aslan b. Mustafa, Hüseyin b. Hasan, Kalender b. Macar, …? b. …?, Aslan b. Kalender.