Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 563 Hüküm no: 691 Orijinal metin no: [87b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Çelebi b. Kemankeş Abdullah Bey’in, Saraylı Nazver bt. Abdullah’taki alacağını tahsil ettiği Mahmiye-i İstanbul’da Sinan Paşa türbesi kurbunda ( ) mahallesinde sâkin Hasan Çelebi b. Kemankeş Abdullah Bey nâm kimesne meclis-i şer‘-i şerîf-i lâzımü’t-teşrîfde mahmiye-i mezbûrda Çıkrıkçı Hacı Hasan mahallesinde sâkine fahrü’l-muhadderât Saraylı Nazver bt. Abdullah nâm hâtunun zevci ve tarafından husûs-ı âti’l-beyâna vekîli olduğu bimâ hüve nehcü’s-sübût [vekâleti] şer‘an sâbit olan umdetü’l-akrân Ali Bey b. el-merhûm Ebûbekir Paşa mahzarında ikrâr ve takrîr-i kelâm edip müvekkile-i mezbûre zimmetinde cihet-i karz-ı şer‘îden hakkım olan yüz esedî guruşu yedinden [88a] tamâmen ahz u kabz eyledim ve ba‘dehû meblağ-ı mezbûra müte‘allika da‘vâdan müvekkile-i mezbûrenin ve vekîl-i mezbûr Ali Bey’in zimmetlerini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fi’l-yevmi’r-râbi‘ ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Umdetü’s-sâdâti’l-kirâm eş-Şeyh Abdullah Efendi b. es-Seyyid Şeyh Fazlullah, Hasan Çavuş b. Kenan el-Mübâşir, fahrü’l-akrân İbrahim Ağa b. ( ) el-Müteferrika, Fazlullah Ağa el-Cündî, Kasım b. Ahmed.