Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 568 Hüküm no: 697 Orijinal metin no: [89a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Ağa b. Mehmed’in vakıf mütevelliliğine tayin edildiği Dârü’l-hilâfeti’l-aliyye Kostantıniyye el-mahmiyye mahallâtından Nahılbend mahallesinde vâki‘ ( ) nâm sâhibü’l-hayrın vakfı olup bir tarafdan Hasan Çavuş menzili ile mahdûd dâhiliyye ve hâriciyyesinde büyût-ı adîdeyi müştemil olan menzilin mütevellîsi olmamağla bir hasbî mütevellî nasb olunmak ehem ve elzem ve işbu râfi‘ü’l-kitâb umdetü’l-eşbâh Ali Ağa b. Mehmed müstakīm ve dindâr olup her vechile umûr-ı tevliyyet uhdesinden gelmeğe kemâ yenbağī kādir olmağın menzil-i mezbûrun hasbî tevliyyeti taraf-ı şer‘-i mübînden mezbûr Ali Ağa’ya tevcîh olunup ol dahi tevliyyet-i mezbûreyi kabûl ve hizmet-i lâzımesin edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Umdetü’l-müderrisîn Ahmed Efendi el-Keşşâf, sahhâf Veli Efendi [b.] Mehmed, İlyas Çelebi b. Receb, Mehmed Çelebi b. Abdullah, İbrahim Çelebi b. Ahmed.