Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 568 Hüküm no: 698 Orijinal metin no: [89a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Ağa b. Mehmed’in, câriyesi Şerife’yi bir sene kendisine hizmet etmesi şartıyla âzat ettiği Vilâyet-i Rumeli’nde Uzuncaova-i Hasköyü kasabası ahâlîsinden Hasan Ağa b. Mehmed nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de bi’t-tav‘i’s-sâf ikrâr ve i‘tirâf edip bana rıkkıyyetini mu‘terife olan işbu orta boylu, açık kaşlı, elâ gözlü Rûsiyyetü’l-asl bâ‘isetü’l-kitâb Şerîfe bt. Abdullah’ı târih-i kitâbdan bir sene tamâmına değin bana hizmet etmek üzre malımdan tahrîr ve i‘tâk ve zümre-i harâir-i asliyyâta idrâc ve ilhâk eyledim min ba‘d mevsûfe-i mezbûre hürre olup hizmet-i mezbûre ile velâ-i şer‘îden gayrı hakkım kalmadı dedikde mâ hüve’l-vâki‘ bi’t-taleb ketb olundu. Fi’l-yevmi’t-tâsi‘ ve’l-ışrîn min Şa‘bâni’l-mu‘azzam li sene seb‘a ve seb‘în ve elf Şuhûdü’l-hâl: Fahrü’l-müderrisîn Abdülbâkī Çelebi, İbrahim Çelebi b. Ahmed, çukadâr Hasan b. Abdullah, Mehmed b. Ahmed, Mustafa Beşe b. Ali.