Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 571 Hüküm no: 703 Orijinal metin no: [89a-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Aslan’ın, Ali b. Abdullah’taki un bahasından alacağını talep ettiği Mahmiye-i İstanbul’da Balıkpazarı kurbunda İbrahim Ağa değirmeni’nde sâkin Yorgi v. Aslan nâm zimmî mahfil-i kazâda Ali b. Abdullah nâm kimesne mahzarında üzerine da‘vâ ve takrîr-i kelâm edip mezbûr Ali zimmetinde un bahâsından bin altı yüz akçe hakkım olup yüz akçesini bundan akdem yedinden ahz u kabz edip bin beş yüz akçesi zimmetinde kalmışidi, suâl olunup alıverilmesi murâdımdır dedikde, gıbbe’s-suâl mezbûr Ali cevâbında fi’l-hakīka müdde‘î-i mesfûr Yorgi’ye cihet-i mezbûreden bin beş yüz akçe zimmetinde vâcibü’l-edâ ve lâzımü’l-kazâ deyni olduğunu bi tav‘ihî ikrâr ve i‘tirâf etmeğin mûcebince müdde‘î-i mesfûr Yorgi’ye meblağ-ı merkūm bin beş yüz akçeyi edâ ve teslîme mezbûr Ali’ye tenbîh olunup mâ vaka‘a bi’t-taleb ketb olundu. Fi’l-yevmi’s-sânî min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed b. Abdullah, İbrahim b. Mehmed, Hasan Çelebi b. Ahmed, Mehmed Beşe b. Ramazan, Resul [b.] Rıdvan.