Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 575 Hüküm no: 707 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Raziye bt. Abdullah’ın, Mustafa b. Gülistan’dan muhâlaa yoluyla boşandığı Mahmiye-i İstanbul’da Zeyrek Yokuşu kurbunda sâkine Kıbtiye tâifesinden Râziye bt. Abdullah nâm hâtun meclis-i şer‘-i şerîf-i lâzımü’t-teşrîfde zevc-i dâhilün-bihâsı Mustafa b. Gülistan nâm Kıbtî muvâcehesinde ikrâr ve takrîr-i kelâm edip zevcim mezbûr Mustafa zimmetinde mütekarrir ve ma‘kūdun-aleyh olan bin akçe mehr-i müeccelimin yedi yüz akçesini yedinden alıp kabz edip bâkī üç yüz akçesi ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Mustafa ile muhâla‘a eyledikde ol dahi hul‘-ı mezbûru kabûl ettikden sonra zevciyyete ve gayra müte‘allika âmme-i da‘vâmda her biriniz âharın zimmetini ibrâ-i âmm-ı kātı‘ü’n-nizâ‘la ibrâ eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Yusuf b. Şaban, Musli b. Hasan, Derviş b. Arslan, Mehmed Çelebi b. Mustafa.