Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 576 Hüküm no: 709 Orijinal metin no: [90a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mosi v. Hayder’in, Kemel v. Yasef’i dellâl olarak işe aldığı Mahmiye-i İstanbul’da Mahmud Paşa câmi‘i kurbunda Kaliçeciler hanı’nda tâcir olan Mosi v. Hayder nâm Yahudi meclis-i şer‘-i şerîf-i lâzımü’t-teşrîfde Kemel v. Yasef nâm Yahudi muvâcehesinde ikrâr ve takrîr-i kelâm edip mezbûr Kemel’i bana dellâllık edivermek için her sekiz günde ikişer esedî guruşa istîcâr edip ol dahi vech-i muharrer üzre nefsini îcâr eyledikden sonra mezbûr Kemel bana âhardan alıverdiği emti‘a semeninden her bin akçede mezbûr Kemel’e on beş akçe vermeğe ta‘ahhüd eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: İbrahim Çelebi b. Ahmed, Hasan Çelebi b. Ahmed, Baba Resul [b.] Rıdvan, Mehmed b. Ramazan.