Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 584 Hüküm no: 722 Orijinal metin no: [91a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Yani’nin, Dimitri v. Yani’ye ödünç verdiği Meyhâneci tâifesinden işbu bâ‘isü’s-sifr Nikola v. Yani nâm zimmî bakkal tâifesinden Dimitri v. Yani nâm zimmî muvâcehesinde üzerine da‘vâ ve takrîr-i kelâm edip merkūm Dimitri cihet-i karz-ı şer‘îden altmış esedî guruş hakkım vardır suâl olunsun dedikde gıbbe’s-suâl mezbûr Dimitri zimmetinde cevâbında fi’l-vâki‘ müdde‘î-i merkūm Nikola’ya cihet-i mezbûrdan altmış esedî guruş zimmetimde lâzımü’l-edâ ve vâcibü’l-kazâ deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûr altmış esedî guruşu müdde‘î-i merkūma edâ ve teslîme mezkûr Dimitri’ye tenbîh birle mâ hüve’l-vâki‘ bi’t-taleb ketb olundu. Fi’l-yevmi’s-sâdis min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Hasan Çelebi b. Ahmed, Mustafa Çavuş b. Abdullah, İbrahim Çelebi b. Ahmed.