Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 591 Hüküm no: 733 Orijinal metin no: [92a-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hüseyin adlı çocuğa vasî atandığı Hâkim, Ahmed b. Mehmed nâm kimesneyi, Hüseyin nâm babası bundan akdem medîne-i mahmiye-i Kostantıniyye mahallâtından ( ) mahallesinde sâkin iken fevt olan Mehmed nâm sagīre hıfz-ı ahvâli ve müteveffâ-yı mezbûr babasından irs-i şer‘le kendisine intikāl eden emvâlin zabtı için ihtiyâcına binâen rüşd ve bülûğuna kadar vasî nasb etti. Mezbûr Ahmed de vesâyet-i mezkûreyi kabûl edip hizmet-i lâzımesini edâyı üzerine aldı. Cerâ zâlike ve hurrire fi’l-yevmi’s-sâbi‘ min şehri Ramazâni’l-mübârek sene seb‘a ve seb‘în ve elf. Şuhûdü’l-hâl: Mehmed Çelebi b. İbrahim, Mehmed Çelebi b. Yusuf, Veli Efendi b. Ali, Mustafa b. Ömer, Süleyman Çelebi b. Hasan, Şükrullah b. Mustafa, Mehmed [b.] Ebûbekir.