Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 592 Hüküm no: 735 Orijinal metin no: [92b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi’nin unculara kethüda tayin edildiği Mahmiye-i İstanbul’da Uncular kethüdâsı olan Ali nâm kimesne fevt olup yeri mahlûl ve işbu râfi‘ü’l-kitâb ekmekçi tâifesinin ihtiyârlarından bâ‘isü’l-kitâb Mehmed Çelebi b. Bayezid her vechile mahal ve müstahık olduğundan mâ‘adâ zikr olunan kethüdâlık kendiye tevcîh olunmak için yedine buyruldu-yı şerîf dahi verilmeğin zikr olunan uncular kethüdâlığı mezbûr Mehmed Çelebi’ye taraf-ı şer‘den tevcîh olunup ol dahi kabûl ve hizmet-i lâzımesini edâya ta‘ahhüd etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâlis min şehri Ramazâni’l-mübârek sene seb‘a ve seb‘în ve elf. Şuhûdü’l-hâl: Fahrü’l-emâsil ve’l-eşbâh Şaban Ağa b. ( ) Ser-muhzırân, fahrü’l-akrân Mehmed Çelebi Kethüdâ-yı muhzırân, Hasan Beşe b. ( ) Çukadâr, Hasan Çelebi b. İbrahim, İbrahim Çelebi b. Mehmed, Yusuf b. Ahmed.