Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 600 Hüküm no: 743 Orijinal metin no: [93b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Semuyil v. Mosi’nin kardeşi Haydar’daki alacağını tahsil ettiği Bu hüccet sehv olup yirmi yedi varak aşağıda kayd olunmuşdur. Kirüz cemâ‘atinden Semuyil v. Mosi nâm tâcir Yahudi meclis-i şer‘-i hatîr-i lâzımü’t-tevkīrde li ebeveyn karındaşı Haydar nâm Yahudi muvâcehesinde ikrâr ve takrîr-i kelâm edip karındaşım merkūm Haydar ile târih-i kitâba gelinceye değin beynimizde nice bey‘ u şirâ ve ahz u i‘tâ ve mu‘âmelât-ı şettâ vâki‘ olmuşidi hâlâ merkūm Haydar ile hesâb gördüğümüzde bana zimmetinde bin iki yüz esedî guruş deyni zuhûr etmişidi, meblağ-ı mezbûr bin [94a] iki yüz esedî guruşu merkūm Haydar yedinden tamâmen ahz u kabz eyledikden sonra târih-i kitâba gelince beynimizde cârî olan ahz ve i‘tâya müte‘allika cemî‘ de‘âvî ve mütâlebâtdan her birimiz âharı ibrâ-i âmm-ı kātı‘ü’n-nizâ‘ ile ibrâ ve iskāt eyledik gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’l-âşir min şehri Ramazâni’l-mübârek li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah, Gazanfer Bey b. Tevekkül, İsmail Çelebi b. Mehmed, Veli b. Mahmud.