Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 601 Hüküm no: 745 Orijinal metin no: [94a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Ahmed’in, Mehmed Beşe b. Mustafa’da alacağı olduğu Mahmiye-i İstanbul’da Mehmed Ağa mahallesinde sâkin Hüseyin b. Ahmed nâm kimesne meclis-i şer‘-i şerîf-i lâzımü’t-teşrîfde Mehmed Beşe b. Mustafa nâm kimesne mahzarında üzerine da‘vâ ve takrîr-i kelâm edip mezbûr Mehmed Beşe zimmetinde cihet-i deyn-i şer‘îden beş zolota ve on esedî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr Mehmed Beşe cevâbında müdde‘î-i mezbûra cihet-i merkūmeden beş zolota ve on esedî guruş deyni olduğunu bi tav‘ihî ikrâr etmeğin alâ mûcebi ikrârihî meblağ-ı mezbûru müdde‘î-i mezbûr Hüseyin’e edâ ve teslîme merkūm Mehmed Beşe’ye tenbîh birle mâ vaka‘a bi’t-taleb ketb olundu. Fi’l-yevmi’l-âşir min Ramazâni’l-mübârek li sene seb‘a ve seb‘în ve elf. Şuhûdü’l-hâl: Gazanfer Bey b. Tevekkül, Hasan Çelebi b. Ahmed, Veli b. Mahmud, Resul b. Rıdvan