Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 605 Hüküm no: 751 Orijinal metin no: [94b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ömer’in câriye bahasından Abdi b. Mehmed’de alacağı olduğu Mahmiye-i İstanbul’da Koca Mustafa Paşa mahallesi sâkinlerinden Mehmed b. Ömer nâm kimesne meclis-i şer‘-i şerîf-i lâzımü’t-teşrîfde Abdi b. Mehmed nâm kimesne mahzarında üzerine da‘vâ ve takrîr-i kelâm edip mezbûr Abdi zimmetinde yedimden müşterâ ve makbûz evsâfı beynimizde ilm-i şer‘î ile ma‘lûm Rûsiyyetü’l-asl Gülistan bt. Abdullah nâm câriye semeninden bâkī elli yedi esedî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr Abdi müdde‘î-i mezbûra cihet-i mezbûrdan zimmetinde vâcibü’l-edâ elli yedi esedî guruş deyni olduğunu ikrâr etmeğin mûcebince meblağ-ı bâkī-i mezbûru müdde‘î-i mezbûra edâya mezbûr Abdi’ye tenbîh olunmağın mâ hüve’l-vâki‘ bi’t-taleb ketb olundu. Fi’l-yevmi’l-âşir min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: İbrahim Çelebi b. Ahmed, Hasan Çelebi b. Ahmed, Baba Resul b. Rıdvan, Mehmed b. Ramazan.