Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 610 Hüküm no: 767 Orijinal metin no: [95b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Şaban’ın eşyasını çaldığı Mehmed Ağa’ya bir miktar borcu kaldığı Mahmiye-i İstanbul’da Ayasofya-i Kebîr mahallesi sükkânından olup berber tâifesinden olan Mustafa b. Şaban nâm kimesne meclis-i şer‘-i şerîfde mahalle-i mezbûre sükkânından Derviş Ağa b. ( ) tarafından ikrâr-ı âti’l-beyânı tasdîka vekîl olduğu bimâ hüve tarîkü’s-sübût şer‘an sâbit olan Mehmed Ağa b. Abdi nâm kimesne mahzarında tav‘an ikrâr ve takrîr-i kelâm edip târih-i kitâbdan üç ay mukaddem müvekkil-i mezbûrun mahalle-i mezbûrede vâki‘ odasını fuzûlen açıp içinde olan yüz doksan esedî guruş kıymetli beynimizde ma‘lûm eşyâsını ahz ve istihlâk eylediğimden sonra eşyâ-i mezbûrenin kıymeti olan meblağ-ı mezbûrun doksan yedi esedî guruşunu müvekkil-i mezbûra mukaddemâ edâ ve teslîm edip ol dahi yedimden ahz u kabz etmişidi hâlâ meblağ-ı mezbûrdan bâkī yüz esedî guruş müvekkil-i mezbûra zimmetimde vâcibü’l-edâ deynimdir dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fî gurreti Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Umdetü’l-müderrisîn Abdülbâkī Çelebi, fahrü’l-akrân Yusuf Ağa, Hasan Çelebi b. Ahmed