Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 611 Hüküm no: 769 Orijinal metin no: [95b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mehmed adlı kadına ve çocuğuna nafaka takdir edildiği Hâkim, hâzır bi’l-meclis Mehmed b. Maden nâm zevci tarafından kendisine talâk verilmiş olan ve mahmiye-i Kostantıniyye mahallâtından …? Ali Çelebi mahallesinde sâkine bulunan Fâtıma bt. Mehmed nâm mutallaka hâtunun nafakası için mezbûr zevc-i mutallıkı üzerine, zeylde mezkûr târihden inkızâ-i iddetine kadar yevmî râyicü’l-vakt altı akçe farz ve takdîr etti. Hâkim, mutallık-ı mezbûrun firâşından olma Âişe nâm sagīrenin nafakası için de mezbûr Fâtıma nâm annesi ve hâdinesinin talebiyle zeylde mezkûr târihden i‘tibâren yevmî dört akçe farz ve takdîr etti ve meblağayn-i mefrûzayn-i mezbûreyni sagīre-i merkūmenin ve kendi nefsinin havâic-i lâzımelerine sarf etmesine ve vakt-i hâcette istidâne edip vakt-i zaferde zevc-i mutallıkı üzerine rücû‘ etmesine mezbûre Fâtıma’ya izin verdi. Cerâ zâlike ve hurrire fî selhi Recebi’l-ferd sene seb‘a ve seb‘în ve elf. Şuhûdü’l-hâl: Hasan Çelebi b. Ahmed, İbrahim Çelebi b. Mehmed, Baba Resul b. Rıdvan, Mehmed Beşe b. Ramazan.