Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 616 Hüküm no: 776 Orijinal metin no: [96a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. David v. Avraham’ın es-Seyyid İbrahim’e borcu olduğu Kasab tâifesinden olup Kalavrita cemâ‘atinden olan David v. Avraham nâm Yahudi meclis-i şer‘-i şerîf-i lâzımü’t-teşrîfde sürekçi tâifesinden bâ‘isü’l-kitâb es-Seyyid İbrahim b. es-Seyyid Halil nâm kimesne mahzarında ikrâr ve takrîr-i kelâm edip hâlâ te‘âtîsi memnû‘ olan hurda ve züyûf akçe ile her bir yaldız altını ve üç yüz elli akçeye râyic iken mezbûr es-Seyyid İbrahim’den iştirâ ve kabz ettiğim beynimizde ma‘lûm sığır bahâsından deynim olan on sekiz bin hurda akçenin kıymet-i şer‘iyyesi olan elli bir tamâm ve yedi buçuk çeyrek yaldız altını hâlâ merkūm es-Seyyid İbrahim’e zimmetimde vâcibü’l-edâ ve lâzımü’l-kazâ deynimdir dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Fi’l-yevmi’l-hâmis min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Es-Sâbikūn.