Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 617 Hüküm no: 779 Orijinal metin no: [96b-7] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Meryem bt. Hızır’ın emtia bahasından Vartan v. Yoros’a borcu olduğu Tüccâr tâifesinden işbu bâ‘isü’l-kitâb Vartan v. Yoros nâm zimmî meclis-i şer‘-i hatîr-i lâzımü’t-tevkīrde Meryem bt. Hızır nâm hâtun mahzarında üzerine da‘vâ ve takrîr-i kelâm edip mezbûre Meryem zimmetinde yedinden müşterâ ve makbûz beynimizde ma‘lûm emti‘a bahâsından kırk esedî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûre Meryem müdde‘î-i mezbûra yedinden müşterâ ve makbûz emti‘a bahâsından kırk esedî guruş deyni olduğunu ikrâr etmeğin ikrârı mûcebince meblağ-ı mezbûr kırk esedî guruşu müdde‘î-i mezbûra edâya mezbûre Meryem’e tenbîh olunup mâ vaka‘a bi’t-taleb ketb olundu mâ hüve’l-vâki‘ bi’t-taleb ketb olundu. Fi’l-yevmi’l-hâmis min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Bey Kethüdâ-yı muhzırân, İbrahim Çelebi b. Mehmed, Mustafa Çelebi b. Ahmed, Baba Resul b. Rıdvan.