Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 617 Hüküm no: 780 Orijinal metin no: [96a-8] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma b. Mehmed’in boşandığı kocası Mahmud b. Maden’deki alacağını tahsil ettiği Mahmiye-i İstanbul’da Müftü Ali Çelebi mahallesi sâkinelerinden Fâtıma bt. Mehmed nâm hâtun meclis-i şer‘-i şerîf-i Ahmedî ve mahfil-i dîn-i münîf-i Muhammedî’de zevc-i mutallıkı bâ‘isü’l-kitâb Mahmud b. Maden nâm kimesne mahzarında ikrâr ve takrîr-i kelâm edip mezbûr Mahmud beni bâyinen tatlîk etmeğin zimmetinde mütekarrir ve ma‘kūdun-aleyh olan dört yüz akçe mehr-i müeccelimi ve karz-ı şer‘iyyeden mezbûr Mahmud zimmetinde hakkım olan beş yüz akçeyi mezbûr Mahmud yedinden tamâmen ahz u kabz edip zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah, Abdi Çelebi b. Hüseyin, Hasan Çelebi b. Ahmed, İbrahim Çelebi b. Mehmed, Baba Resul b. Rıdvan