Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 619 Hüküm no: 782 Orijinal metin no: [96b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayvaz v. Genci’nin Abdürrahim Çelebi’den alacaklı olduğu Mahmiye-i İstanbul’da Vezir hanı’nda sâkin tüccâr tâifesinden Ayvaz v. Genci nâm zimmî mahfil-i kazâda Abdürrahim Çelebi b. Mehmed nâm kimesne mahzarında üzerine da‘vâ ve takrîr-i kelâm edip mezbûr Abdürrahim Çelebi zimmetinde Acem metâ‘ı semeninden hakkım olan üç yüz esedî guruşun suâl olunup alıverilmesi murâdımdır dedikde, gıbbe’s-suâl mezbûr Abdürrahim Çelebi cevâbında fi’l-hakīka müdde‘î-i mezbûr Ayvaz’a Acem metâ‘ı semeninden zimmetinde üç yüz esedî guruş deyni olduğunu bi tav‘ihî ikrâr ve i‘tirâf etmeğin mûcebince meblağ-ı mezbûr üç yüz esedî guruşunu müdde‘î-i mezbûr Ayvaz’a edâ ve teslîme mezbûr Abdürrahim Çelebi’ye ba‘de’t-tenbîh mâ vaka‘a bi’t-taleb ketb olundu. Fi’l-yevmi’s-sâbi‘ min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Abdi Çelebi, İbrahim Çelebi b. Mehmed, Baba Resul b. Rıdvan, Veli Bey b. Mahmud.