Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 619 Hüküm no: 783 Orijinal metin no: [96b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın bağını İsteşinos v. Tarako’ya sattığı Mahrûse-i Galata müzâfâtından Kapıdağı nâhiyesine tâbi‘ Mihatya nâm karye sükkânından Mustafa b. Abdullah nâm kimesne meclis-i şer‘-i şerîf-i lâzımü’t-tevkīrde işbu bâ‘isü’s-sifr İsteşinos v. Tarako nâm zimmî muvâcehesinde ikrâr ve takrîr-i kelâm edip silk-i mülkümde münselik olup karye-i mezbûre sınırı dâhilinde Rakye demekle ma‘rûf mevzi‘de vâki‘ bir tarafdan Yani v. ( ) nâm zimmî bağı ve bir tarafdan Kanbur Yani bağı ve bir tarafdan Mavrovi v. ( ) nâm zimmî bağı ve bir tarafdan vâdi ile mahdûd tahmînen beş dönüm bağımı mezbûr İsteşinos’a kırk altı kıt‘a esedî guruşa bey‘-i bâtt-ı sahîh-i şer‘î ile bey‘ edip ol dahi vech-i muharrer üzre iştirâ ve kabûl eyledikden sonra semeni olan meblağ-ı mezbûr kırk altı kıt‘a esedî guruşu yedinden tamâmen ahz u kabz eyleyip zikri mürûr eden bağı mahallinde zabt ve tasarrufa mezbûr İsteşinos’a taslît eyledim dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ min Recebi’l-ferd li sene seb‘a ve seb‘în ve elf. Şuhûdü’l-hâl: Mehmed Bey Kethüdâ-yı muhzırân, Ahmed Çelebi b. Mustafa, el-Hâc Abdülkerim b. Abdullah, Mahmud Halîfe b. Abdullah, Veli Beşe b. Mahmud, Mehmed b. Ramazan.